Sbagazzo

La stua in mezo
e in suso el tubo a ziga-zaga;
la bonagràzia, soto
l'orològio, imbriaga;

Marì, co' la scansia
de spècio drio e i colori
de tute le botìglie;
'n un canton do aventori.

Semo qua a gala: stua,
bonagràzia, Marì
che ridi co' la boca
rossa, qu'i due, mi.

Taca garbin, e 'dosso
'sto tocheto de mondo
'riva un'ondada e,
bona note, tuto va in fondo. 

Virgilio Giotti

 

Marì: la siora Maria del bar di via Ginnastica 31 in cui, negli anni '40, si trovavano regolarmente Giotti, Saba, Stuparich, Pittoni, Perpich e Milcovich.

Cfr. un'altra fine del mondo, volendo.